Koseglad

Etter at eg byrja å jobbe, har poden blitt ein skikkeleg mammadalt, i starten var det kjempe koseleg, men etter ei stund fann eg ut kor tungt det kunne vere. Ikkje fred å få i eit einaste rom, ikkje då eg sat på do ein gong. Men no har det endra seg litt, og blitt litt pappadalt også, phew, eg kan få litt pusterom av og til. Å jobbe med ungar, samstundes som ein har born sjølv er eit kapittel i livet som nok kjem til å bli merka med travelt, konfliktløysing, bleieskift, trilling, mekling, leik og mykje mykje meir. Men eg klagar ikkje, eg har det kjempeflott!!! For gutungen kjem krypandes bort å gir meg verdens beste klem, suss og ekstra kos. Gjerne med litt snørr, middagsrestar og enno meir kos.

Sidan han har mange kusiner, er mange av leikene med bestemora – dukker, rosaposa leiker ++, men poden har sett korleis kusinene har trilla vogner med dukkene, så han har lagt sin elsk på å kose med dukkene. Han fekk med seg ei frå bestemora, og då han fann den i kista si med leiker, vart han kjempeglad og ville kosemoseoverdose på denne.

Fann fram kameraet idag, i den hensikt at ej skulle filme poden litt, og denne snutten seier så mykje, høgt og lavt, og det skjer noko heile tida. Først – prøve å få gåbilen inn i stova, deretter pusse tennene, sette sej på bilbana, oppdage mamma, susse og ta kamera. Og det berre på to minutt…Korleis trur du dagen er ellers då? Dykk lesarar som har born sjølv, veit nok dette, og kjenner på det kvar dag. Men er litt komisk også. Ha vi hatt den energien borna har, ha vi sove godt om nettene!

No har vi akkurat ete ein fortryllandes god middag – svinestrimlar med fløtepoteter – mmm, nydeleg! No ligg beina på bordet, brillene på nasa, raua i sofaen og det er laurdagskveld. Eg skal sove litt frampå i morgon, sidan det er gubben sin dag til å stå opp – og livet er herleg. Kanskje vi avrunda denne flotte laurdagen med ein film. Har du ei anbefaling?